بكى مغني المهرجانات حسن شاكوش، على الهواء، متأثرًا بتقرير تلفزيوني، عرضه برنامج "كل يوم"، مع الإعلامية بسمة وهبة، على شاشة "ONE".

وتناول التقرير، الذي عُرض من منزل شاكوش، مطالبات أفراد أسرته وأهالي منطقته، لنقابة المهن الموسيقية بالسماح له بالغناء مرة أخرى، بعد القرار الأخير بمنعه من الغناء، ما تسبب في الإضرار به.

وتحدث شاكوش، خلال استضافته بالبرنامج، عن الظروف الصعبة التي مر بها طوال فترة حياته: "وفي ناس بتاخد بتحكم عليّ من بعيد، وجه عليّ وقت كانت الظروف المادية صعبة جدًا".

 وأضاف: "أمي كانت بتقولي أنت عندك عزة نفس مش عند حد، عمري ما رحت لحد وقلتله هات جنيه، وأكترية الأوقات مكنش بيبقى معايا إلا مفتاح الشقة والبطاقة، وساعات كنت باخد 2 جنيه من والدي".

وأردف: "ساعات كنت ممكن أجيب ربع كيلو لبن بجنيه، وكنت بجيب بقسماط عشان ساعات مكنش في عشا في البيت، وكنت بعمل براد شاي سادة، وكنت بكسر البقسماط جوه اللبانة، وده بيبقى العشاء بتاعي ساعات".

 قد يهمك أيضــــــــــــــــًا :   

والدة حسن شاكوش توجه رسالة لهاني شاكر

مهرجان "عود البطل" تعرض على يوتيوب من جديد