علق الفنان زكي فطين عبد الوهاب على حذفه منشورا هاجم فيه الفنان عمرو دياب وكتب عبر حسابه على "فيسبوك" قائلًا: "أنا ما ممسحتش البوست اللي كتبته عشان بتراجع في موقفي.. خالص .. أنا مسحته ‏بسبب الكم الهائل من الشتايم بالأب والأم بأفظع الألفاظ من ألتراس عمرو دياب".

وتابع: "مختلف مع الأستاذ الملحن حلمي بكر في هجومه ‏الشرس القاسي على نجوم "مهرجانات" .. نفسي أعرف إيه الجريمة اللي عملتها .. بجد".‏

وكان رد زكى فطين على منتقدي من خلال حسابه الشخصى بموقع الفيسبوك قائلا: "أغانى المهرجانات بتعجبنى لأن اللحن والإيقاع فيها catchy وفيها مواضيع غير قصص الحب وعذاب الحب  وكأن مفيش حاجه نتكلم عنها غير الحب".

وتابع زكى فطين عبد الوهاب: "رأيى فى أغانى عمرو دياب ده مش إهانة ده مجرد رأى ..أنا شيلت البوست لأن من حقك تختلف معايا أو إنك ترى إنى ممثل فاشل .. ده حقك .. لكن الشتيمة مش من حقك".

وقد قال زكي فطين عبد الوهاب،  في منشوره الأول: "أنا عارف أن فى ناس هتزعل من الكلام اللى هقوله .. لكن بعد الهجوم الشرس على أغانى وموسيقى المهرجانات.. نفسى أفهم عمرو دياب الملقب بالهضبة .. بمناسبة إيه.

وتابع :"أغانيه وألحانه وكلمات أغانيه هى هى من ٢٠ سنة .. ده إفلاس فني ما بعده إفلاس .. اغانى المهرجانات فيها تجديد وابتكار وتنوع اكتر بكتير غصب عن الملحن الفذ "حلمى بكر" .

قد يهمك أيضــــــــــــــــًا :

زكي فطين عبد الوهاب يؤكد أن ليلي مراد كانت أم حنينة بشكل مبالغ فيه

زكي فطين عبد الوهاب يتعرض لظروف مرضية صعبة أجبرته على بيع سيارته