اتهمت والدة "أ. أ" زوجته "أ.س" بدس السم له وقتله بعد 5 أيام فقط من زواجهما، مشيرة إلى أنّها "كانت بتتهرب منه كل ما يطلبها وتقوله عندي عذر، زي ما تكون خايفة يكتشف حاجة"، وأضافت أنّه "كان بييجي يقولي يا أمي مش عارف ألمسها، أقوله أصبر يا ابني جايز عندها عذرها، لغاية ما قالي أنا خلاص هاخدها وأكشف بيها بكرة الصبح، خافت تتفضح وقبل ما يروحوا كانت مقدماله السم في العصير علشان تموته وتخفي سرها، ياريتها كانت مشت لحالها وسابتهولي".

ويروي والد العريس تفاصيل الواقعة في التحقيقات "الصبح سمعنا صريخه وهو في شقته بيقول الحقوني.. طلعت لقيته مرمي قدام شقته، أخدته في حضني قالي قتلتني يابا، مراتي سمتني وحطيتلي "حبوب الغلة"، خدناه وطلعنا بيه على مستشفى الدلنجات ومنها طلعنا بعربية إسعاف على إسكندرية، ومات قبل ما يوصل المستشفى"، وقال رمضان أحد أقارب العريس: "5 أيام من دخلتهم وهي عندها عذر كل يوم، كل ما يطلبها تقوله عندي عذر، لغاية ما قالها أنا هاخدك نكشف عليكي الصبح أمراض نساء أشوفك انتي بتتعذري ليه، قامت الساعة 7 الصبح حطيتله حبوب حفظ الغلال في العصير، ولما أبوه سمعه بتألم نزله وقاله مراتي سممتني علشان تداري حاجة إحنا مانعرفهاش".

وأضاف إسلام جار العريس: "سمعته بوداني وهو بيقول حطيتلي سم يابا وقام وهو دايخ وراح ضاربها بيديه عرفت إن فيه حاجة بينهم"، وترجع أحداث الواقعة إلى إخطار من مستشفى الدلنجات العام في أكتوبر الماضي، بوصول "الشحات. ل" 28 سنة، المقيم بعزبة قابيل البحرية بإيتاي البارود مصاب بتسمّم فسفوري، ادعاء تناول مادة سامة، وتم تحويله للمستشفى الجامعي في الإسكندرية، وتوفى متأثرًا بإصابته.

واتهم والد العريس زوجة نجله "أميرة. س" 20 عامًا، ربة منزل، بقتل نجله، معللاً ذلك بأنها كانت رافضة الزواج منه لارتباطها بعلاقة عاطفية مع شاب آخر يدعى "عمرو. غ"، وأفاد تقرير الطب الشرعي بأن سبب الوفاة هو تناول سم فئران في العصير، تم ضبط الزوجة المتهمة، والشاب المذكور، وتباشر النيابة العامة التحقيقات.