اعتادت "صابرين م." (33 سنة، ربة منزل)، تنفيذ أوامر زوجها، حتى أطلق عليه أقاربها "سي السيد". وفي أحد أيام طلب الرجل منها "انزلي المحل امسحيه"، لم تكذب الخبر، ونزلت، قبل أن تسرع شقيقتها إليها قائلة "إلحقي جوزك جاب واحدة شمال وطلع معاها الشقة"، هرعت معها لتجده في وضع مخل."ضربني، لكن إحنا ما اسكتناش ضربنا اللي معاه وطردناهم".. قالتها الزوجة، مشيرة إلى أنها قررت بعدها التوجه إلى محكمة الأسرة بالتجمع الخامس ورفع دعوى خلع ضد زوجها "طارق س." (41 سنة، صاحب محل أدوات منزلية)،

لتنهي 6 سنوات من الزواج، أنجبت خلالها إسلام (5سنوات)."جوزي دايما كان بيحصله حاجة غريبة لما بيشوف الستات، ويفضل يفصص جسمها"، قالتها "صابرين" قبل أن تضيف: "كنت قايدة صوابعي العشرة شمع، وأي حاجة عايزها كنت بعملها، كان بيأمر وأنا أنفذ، وكان عندنا في العيلة مسميينه سي السيد عشان بسمع كلامه في أي حاجة".وأضافت "صابرين"، في الدعوى: "جوزي بيشرب مخدرات و الستات عنده إدمان ميعرفش يشوف ست ويقعد عاقل أبدًا، رغم كدا كنت محافظة على بيتي، لحد مجاب واحدة فيه".لم تصدق الزوجة كلام أختها التي أبلغتها بما رأته، صعدت للتأكد، "فتحت الباب لقيت جوزي واخد راحته خالص، وأول

 ما شافنى نزل في ضرب وسب، بس إحنا ما سكتناش، ضربناها وضربناه".لم تتحمل "صابرين" خيانة زوجها، ولجأت إلى محكمة الأسرة في التجمع الخامس ورفعت دعوى خلع حملت رقم 642.