بعد زواج استمر نحو شهرين، لينتهي أمام محكمة الأسرة، أقامت "ناريمان. ج"، 23 عامًا، دعوى خلع في إحدى المدن الجديدة حملت رقم 1422/2018، ضد زوجها "أحمد.ك" 27 عامًا، مهندس مدني، بسبب استحالة العشرة، بعدما اتهمته بـ"البخل".

ارتباط عن حب بعد تعارف نحو 3 أشهر، تروي الزوجة العشرينية لـ"هن": "اتعرفنا في الشغل وحبينا بعض واتخطبنا واتجوزنا في حوالي 5 شهور، كانت كل حاجة جاهزة فعملنا الفرح على طول واتجوزنا وبعد فترة بسيطة بدأت المشاكل".

ودبت خلافات بين الزوجين بسبب تدخل أم الزوجة، بعدما اتهمت "أحمد" بالبخل، تضيف "ناريمان": "من بعد ما رجعنا من شهر العسل وبدأنا نجيب أكل في البيت بدأ يطلب مني أعمل أكل على القد عشان ميترميش في الزبالة.. ولما كنت بحكي لماما إنه خلاني أقسم الفرخة نصين أطبخ نصها بس لينا إحنا الاتنين والنص التاني أخليه في الفريزر للمرة الجاية.. ماما قالت ده بخيل".

مشاجرة بين الزوج والحماة بعد اتهامها له بالبخل، توضح: "زعل جدا لما عرف إن ماما قالت عليه إنه بخيل عشان قولتلها إننا بنطبخ نص الفرخة بس.. وزعقلي وأهاني جدا فبعدها سيبت البيت وماما أصرت إننا نطلق ولما رفض وسابني عندها شهر ونص من غير ما يسأل علي رفعت دعوى خلع عشان انفصل عنه".

قد يهمك ايضا : 

خشيت ألا تُقيم حدود الله في دعوى الخلع بعد أن فقع عينها زوجها

زوجان يهددان بعضهما بنشر صور فاضحة في محكمة الأسرة