السويس رول بصوص الكراميل

المقادير:

4  معلقة كبيرة ماء

4 عدد بيضة

2  معلقة صغيرة فانيليا

1 ½  معلقة كبيرة زبدة

1  كوب دقيق

1 كوب سكر

1  معلقة صغيرة باكينج بودر

1  رشة ملح

½  كوب كريمة خفق

الخطوات

نفصل بياض البيض عن الصفار ونضرب الصفار مع ذره الملح حتى يرتفع الخليط.

نضيف معلقة فانيليا ونصف كوب سكر و نضربهم مع الصفار حتى يصبح كريمى الملمس.

ننخل الدقيق مع البيكنج بودر ونضيفه بالتدريج للصفار مع الاستمرار فى الخفق وبعد ما يتجانس نضيف البياض مع التقليب الخفيف للحفاظ على الفليوم.

نصب الخليط فى صينيه بها ورقه زبده وندخلها الفرن مع مراعاه انها تكون بسمك نصف سم و يكون الفرن سخن جدا وتترك لمده 20 دقيقة على نار متوسطه 180 درجه مئوية.

لعمل الصوص نضع باقى كمية السكر فى حلة صغيرة على النار مع اربع ملاعق ماء حتى يتغير لونه للذهبى ثم نضيف الكريمه ومعلقة فانيليا أو ماء زهر والزبدة مع التقليب المستمر لحد ما الخليط يتجانس ويترك ليبرد.

نخرج الكيكة من الفرن وتلف على شكل دائرى وتترك ف التلاجه حتى ياخذ شكل الرول ثم تخرج ونحشيها بصوص الكراميل ونلفها تانى وتدخل الثلاجة لحد ما تجمد وتقدم.