أمير المصري يُوضّح سرّ غيابه عن الوسط الفني خلال الأعوام الأخيرة

كشف الفنان المصري الشاب أمير المصري، سر غيابه عن الساحة الفنية خلال السنوات الأخيرة، بعد تألقه في بداياته مع النجم محمد هنيدي والفنانة ياسمين عبدالعزيز، من خلال فيلمي "رمضان مبروك أبو العلمين حمودة" و"الثلاثة يشتغلونها".وقال أمير: "اختفيت الفترة اللي فاتت لإني حبيت أركز برّه مصر شوية، درست في معهد تمثيل في لندن لمدة سنتين، بعدها دخلت فيلم أجنبي، والشغل ده جاب أفلام تانية، فملحقتش أرجع لمصر، بس أخيرا السنة الي فاتت عملت مسلسل وهنشوف اللي جاي إيه"، وأضاف: "دي أول مرة ليا في مهرجان الجونة، يشبه مهرجانات أوروبا، أنا شايف إننا أحسن من بره كمان، مش بجامل والله، أنا رحت مهرجان كان ومهرجانات كتير، عندنا مفيش أي اختلاف"، وعن تعاونه مع هنيدي، قال: "الشخصية اللي لعبتها في فيلم رمضان مبروك أبو العلمين حمودة كانت روشة أكتر من شخصيتي الحقيقية، وكمان دمه أخف مني".

وأكمل: "الكوميديا أصعب من الدراما بكتير، ممكن أي حد يخليك تعيط من الدراما بس الكوميديا صعب جدا تضحك، أنا اشتغلت مع مدرستين مختلفتين تمامًا، محمد هنيدي وياسمين عبد العزيز".وواصل حديثه قائلًا: "محمد هنيدي بيرتجل كتير أوي، ساعات نرمي السكريبت ونشتغل عادي، أما ياسمين ملتزمة جدا وبتطلع شغل حلو أوي من الورق المكتوب، وأنا محظوظ إن أول التجارب ليا في مصر كانت معاهم"، وعن أعماله الجديدة، قال أمير: "متحمس جدا إن فيلمي الجديد هينزل في مهرجان القاهرة، وده فيلم بريطاني أسكتلندي، وبطولة ليا، وتعتبر أول بطولة وإن شاء الله يعجبكم".وانطلقت الدورة الرابعة لمهرجان الجونة السينمائي، مساء الجمعة، في حضور عدد كبير من نجوم الفن والإعلام، ووسط تطبيق العديد من الإجراءات الاحترازية طبقًا لتعليمات منظمة الصحة العالمية للوقاية من فيروس كورونا.

قد يهمك ايضا :

راندا البحيري تهاجم منتقدي محمد هنيدي بسبب جنازة حسن حسني

كريم عبد العزيز يؤكّد سعادته بالتعاون مع أحمد مكي في "الاختيار 2"